فكرتك… موقع جاهز خلال ٥ دقائق

حوالي ١٠ لـ ١٥ دقيقة — لأنه قبل ما نسلّمك منخطّط التصميم، منختار صور حقيقية، منبني نسختين ومنراجعهم على الموبايل والكمبيوتر ومنصلّح الملاحظات. بتشوف كل مرحلة قدامك، وفيك تسكّر الصفحة وترجع لنفس الرابط — موقعك رح يكون ناطرك.

بناء الموقع ومشاركته مجاني. إذا بدك موقعك يضل شغّال طول السنة على اسمك الخاص (مثل mybakery.com)، في خطة سنوية بتشمل النطاق — بتشوف السعر بالضبط قبل ما تدفع، والدفع عبر شام كاش.

بتطبيق شام كاش: بتحوّل المبلغ لحسابنا وبتكتب رمز الطلب بالملاحظة، وبعدين بتحط رقم العملية بصفحة النطاق. منتأكد من التحويل ومنسجّل النطاق ومنربطه بموقعك — ومنبعتلك واتساب بكل خطوة.

أكيد — بعد ما يخلص البناء، عندك ٥ تعديلات مجانية: اكتب شو بدك يتغيّر ("خلّي الألوان أدفى"، "زيد قسم للتوصيل") أو ضيف صورك، ومنطبّقها عالموقع مباشرة. وعم نشتغل على تعديلات أكتر قريبًا.

الموقع إلك ومحتواه ملكك. منقدر نعطيك نسخة كاملة من الكود عند الطلب.

إذا نشرت بدون تسجيل دخول، الموقع يضل شغّال ٢٤ ساعة. سجّل دخولك مجانًا ويصير ٧ أيام كاملة — ونفس الرابط. ومع خطة النطاق الخاص، موقعك بيضل شغّال طول مدة الخطة بدون شريط التنبيه.